بھارت میں ہندوانتہاپسندوں نے گائے کا گوشت کھانے ایک اور مسلمان کو قتل کردیا

بھارت کی ریاست بہارمیں ہندو دہشت گردوں اورانتہاپسندوں نے گائے کا گوشت کھانے پرایک اور مسلمان کوبدترین تشدد کا نشانہ بنا کرقتل کردیا۔

مہر خبررساں ایجنسی نے بھارتی ذرائع کے حوالے سے نقل کیا ہے کہ بھارت کی ریاست بہارمیں ہندو دہشت گردوں اورانتہاپسندوں نے گائے کا گوشت کھانے پرایک اور مسلمان کوبدترین تشدد کا نشانہ بنا کرقتل کردیا۔ اطلاعات کے مطابق ریاست بہار میں ہندوانتہاپسندوں نے ایک اورمسلمان کوگائے کا گوشت کھانے پربدترین تشدد کا نشانہ بنانے کےبعد قتل کردیا۔

سوشل میڈیا پروائرل ویڈیو میں محمد خلیل عالم کوہاتھ جوڑ کرہندوانتہاپسندوں سے معافی مانگتے  دیکھا جاسکتا ہے۔ ویڈیو ہندوانتہاپسند خلیل عالم سے گائے کا گوشت کھانے کے بارے میں سوال کرتے اور انہیں گالیاں دیتے سنائی دے رہے ہیں۔

خلیل عالم ہندوانتہاپسندوں کویقین دلا رہے ہیں کہ وہ آئندہ گائے کا گوشت نہیں کھائیں گے۔ہندوانتہاپسند خلیل عالم سے ان کے بچے کوگائے کا گوشت کھلانے کے بارے میں بھی پوچھتے ہیں جس پروہ جواب دیتے ہیں کہ میرے بچے نےگائے کا گوشت کبھی نہیں کھایا۔

ہندوانتہاپسندوں کے جھتے نے سوال جواب کے بعدخلیل عالم کوانسانیت سوز تشدد کا نشانہ بنانے کے بعد قتل کردیا۔

بھارتی میڈیا کے مطابق ہندو انتہاپسندوں نے خلیل عالم کی تشدد زدہ لاش قریبی ندی کے کنارے پھینک دی۔ پولیس نے حسب روایت ہندوانتہاپسندوں کا ساتھ دیتے ہوئے کسی کوبھی گرفتارنہیں کیا۔بھارت میں گائے کا گوشت کھانے کا الزام لگا کرہندوانتہاپسند جھتے متعدد مسلمانوں کوقتل کرچکے ہیں۔ مسلمانوں کوقتل کرنے والے کسی ایک شخص کوبھی سزا نہیں دی گئی ہے۔

News Code 1909954

لیبلز

آپ کا تبصرہ

You are replying to: .
  • captcha