بھارت اور سعودی عرب کے تعلقات مضبوط / او آئی سی کے اجلاس سے کوئی اثر نہیں پڑےگا

بھارتی وزارت خارجہ نے کہا ہے کہ مسئلہ کشمیر پراسلامی تعاون تنظیم (OIC) میں کسی بھی طرح کی بات چیت یا قرارداد سے بھارت اور سعودی عرب کے رشتوں پر کوئی اثر نہیں پڑے گا۔

مہر خبررساں ایجنسی نے ڈیلی پاکستان کے حوالے سے نقل کیا ہے کہ بھارتی وزارت خارجہ نے کہا ہے کہ مسئلہ کشمیر پراسلامی تعاون تنظیم  (OIC) میں کسی بھی طرح کی بات چیت یا قرارداد سے بھارت اور سعودی عرب کے رشتوں پر کوئی اثر نہیں پڑے گا۔ نئی دہلی کے مطابق او آئی سی کی جانب سے اس سلسلے میں ابھی کوئی بیان جاری نہیں کیا گیا اور نہ ہی ایسے کسی اجلاس کی تصدیق کی گئی ہے۔ بھارتی وزارت خارجہ کے ایک عہدیدار نے کہا کہ مسئلہ کشمیر پر او آئی سی میں تبادلہ خیال سے سعودی عرب یا کسی دوسرے رکن ممالک کے ساتھ بھارت کے رشتوں پر کوئی اثر نہیں پڑے گا۔اس سے قبل سعودی ولی عہد محمد بن سلمان نے انڈونیشیا میں مہاتیرمحمد کی صدارت میں ہونے والے اجلاس میں جانے سے پاکستان کے وزیراعظم عمران خان کو روک دیا تھا۔ ادھر پاکستان کا کہنا ہے کہ سعودی عرب نے او آئی سی کا اجلاس بلانے کے سلسلے میں پاکستان کی حمایت کا اعلان کیا ہے۔ پاکستانی ذرائع کے مطابق پاکستانی حکام کو سعودی عرب کے کھولے وعدوں پر یقین نہیں رکھنا چاہیے۔

News Code 1896643

لیبلز

آپ کا تبصرہ

You are replying to: .
  • 8 + 2 =