پاکستان کی بھارت کے ساتھ دوطرفہ تجارت معطل/ سفارتی تعلقات محدود

پاکستان کے وزیر خارجہ شاہ محمود قریشی نے کہا ہے کہ آج قومی سلامتی کمیٹی نے طویل مشاورت کے بعد بھارت کے ساتھ تجارتی تعلقات معطل کرنے اور سفارتی تعلقات محدود کرنے کے 5 اہم فیصلے کئے ہیں ۔

مہر خبررساں ایجنسی نے ایکس پریس کے حوالے سے نقل کیا ہے کہ پاکستان کے وزیر خارجہ شاہ محمود قریشی نے کہا ہے کہ آج قومی سلامتی کمیٹی نے طویل مشاورت کے بعد بھارت کے ساتھ تجارتی تعلقات معطل کرنے اور سفارتی تعلقات محدود کرنے کے 5 اہم فیصلے کئے ہیں ۔ کشمیر کی صورت حال پر پارلیمنٹ کے مشتر کہ اجلاس سے خطاب کرتے ہوئے شاہ محمود قریشی نے کہا کہ قومی سلامتی کمیٹی نے بھارت سے سفارتی تعلقات کو محدود کرنے کا  فیصلہ کیا ہے۔ قریشی نے کہا کہ دوسرا اہم فیصلہ یہ کیا گیا ہے کہ بھارت کے ساتھ دو طرفہ تجارت معطل کی جارہی ہے۔انہوں نے کہا کہ اجلاس میں فیصلہ کیا گیا کہ بھارت سے تمام دو طرفہ معاملات کا از سر نو جائزہ لیا جائے گا۔شاہ محمود قریشی نے کہا کہ دوطرفہ تعلقات کے تمام پہلوؤں کا جائزہ لے کر کم کریں گے۔وزیر خارجہ نے کہا کہ مسئلہ کشمیر پر اقوام متحدہ کی سلامتی کونسل میں جانے کا فیصلہ کیا ہے جبکہ پانچواں فیصلہ 14 اگست کو کشمیریوں سے یکجہتی کا دن منانے کا ہے۔انہوں نے کہا کہ 15 اگست کو بھارت کا یوم آزادی یوم سیاہ کے طور پر منایا جائے گا۔

News Code 1892781

لیبلز

آپ کا تبصرہ

You are replying to: .
  • 7 + 7 =