پاکستان کی حکمراں جماعت تحریک انصاف پاکستان کی امیر ترین سیاسی جماعت بن گئی

پاکستان الیکشن کمیشن آ نے 81 سیاسی جماعتوں کے اثاثوں کی تفصیلات جاری کردیں جن کے مطابق حکمران جماعت تحریک انصاف پاکستان کی امیر ترین سیاسی جماعت بن گئی ہے۔

مہر خبررساں ایجنسی نے ایکس پریس کے حوالے سے نقل کیا ہے کہ پاکستان الیکشن کمیشن آ نے 81 سیاسی جماعتوں کے اثاثوں کی تفصیلات جاری کردیں جن کے مطابق حکمران جماعت تحریک انصاف پاکستان کی امیر ترین سیاسی جماعت بن گئی ہے۔ دستاویزات کے مطابق تحریک انصاف 31 کروڑ 66 لاکھ روپے مالیت کے اثاثوں کی مالک نکلی، ایک سال کے اندر اس کے اثاثوں میں 22 کروڑ روپے کا اضافہ ہوا، تحریک انصاف نے سمندرپارپاکستانیوں سے 6 کروڑ 58 لاکھ روپے سے زائد کے فنڈز لیے، جن میں سے امریکہ میں مقیم سمندرپارپاکستانیوں سے 1 کروڑ 26 لاکھ وصول کیے، برطانیہ میں مقیم پاکستانیوں سے 4 کروڑ 92 لاکھ روپے سے زائد کا فنڈ وصول کیا۔

تحریک انصاف نے پارٹی کے 6 اکاؤنٹس الیکشن کمیشن میں ظاہر کیے ہیں اور عمران خان نے اثاثوں کی تفصیلات کے ساتھ سرٹیفکیٹ بھی جمع کرایا جس کے مطابق تحریک انصاف نے ممنوعہ فنڈنگ وصول نہیں کی۔

مسلم لیگ ن کے اثاثوں کی مالیت 25 کروڑ 33 لاکھ 77 ہزار 955 روپے نکلی اور ایک سال میں اس کے اثاثوں میں 2 کروڑ سے زائد کا اضافہ ہوا، جبکہ اس نے پارٹی ٹکٹس 11 کروڑ 97 لاکھ میں دیے۔

پاکستان پیپلزپارٹی پارلیمنٹرین کے پاس 16 کروڑ 70 لاکھ روپے سے زائد کا بینک بیلنس ہے اور اس نے 9 کروڑ 37 لاکھ سے زائد ٹکٹوں کی مد میں وصول کیے۔

دستاویزات کے مطابق شیخ رشید کی عوامی مسلم لیگ غریب ترین سیاسی جماعتوں میں شامل ہے جو صرف 1 لاکھ 38 ہزار روپے اثاثوں کی مالک ہے، تحریک لبیک پاکستان کو چندے کی مد میں 50 لاکھ روپے ملے، ایم کیو ایم پاکستان کو 1 کروڑ 75 لاکھ روپے کا چندہ ملا ہے جبکہ جماعت اسلامی 10 کروڑ 63 لاکھ روپے کے اثاثوں کی مالک ہے۔

News Code 1890330

لیبلز

آپ کا تبصرہ

You are replying to: .
  • 7 + 5 =