پاکستانی فوج کے سربراہ نے 14 دہشت گردوں کی سزائے موت کی توثیق کردی

پاکستانی فوج کے سربراہ جنرل قمر جاوید باجوہ نے سنگین جرائم اور دہشت گردی کی کارروائیوں میں ملوث 14 وہابی دہشت گردوں کی سزائے موت کی توثیق کردی ہے۔

مہر خبررساں ایجنسی نے جنگ کے حوالے سے نقل کیا ہے کہ پاکستانی فوج کے سربراہ جنرل قمر جاوید باجوہ نے سنگین جرائم اور دہشت گردی کی کارروائیوں میں ملوث 14 وہابی دہشت گردوں کی سزائے موت کی توثیق کردی ہے۔ آئی ایس پی آر کے مطابق یہ دہشت گرد، پاک فوج اورقانون نافذ کرنے والے اداروں پر حملوں میں ملوث تھےاور ان کی کارروائیوں میں 16 افراد ہلاک ہوئے، جن میں 13 فوجی اور 3 سویلین شامل ہیں۔ ان کی کارروائیوں میں 19 افراد زخمی بھی ہوئے۔آئی ایس پی آر کا کہنا ہے کہ ان دہشتگردں نےمواصلات کے نظام، پولیس اسٹیشنز، تعلیمی اداروں کو بھی تباہ کیاتھا جب کہ ان دہشتگردوں کے قبضے سے اسلحہ اور گولہ بارود بھی برآمد ہواتھا۔آئی ایس پی آر کے بیان میں کہا گیا ہے کہ فوجی عدالت سے 20 دہشتگردوں کو قید کی سزا بھی سنائی گئی ہے۔ آئی ایس پی آر کے مطابق جن دہشت گردوں کو سزائے موت سنائی گئی ان میں محی الدین صالح ،گل زمین ،فضل ہادی،محمد وہاب، گل محمد، بشیر خان ، آفرین خان، برکت علی،محمداسلام،روح الامین،شت مند،باچا وزیر، محمد اور محمد اسماعیل شامل ہیں۔

News Code 1886638

لیبلز

آپ کا تبصرہ

You are replying to: .
  • 3 + 1 =