برطانیہ میں " محمد " مقبول ترین نام

مہر خبررساں ایجنسی نے برطانوی ذرائع کے حوالے سے نقل کیا ہے کہ برطانیہ میں نئے پیدا ہونے والے بچوں کے ناموں میں " محمد "  مقبول ترین نام بن گیا ہے۔ اطلاعات کے مطابق نئے پیدا ہونے والے بچوں کے ناموں کے اندراج سے متعلق سرکاری ادارے میں 2015 میں پیدا ہونے والے بچوں میں سے سب سے زیادہ بچوں کا نام " محمد " رکھا گیا تاہم ان کی انگلش میں اسپیلنگ یعنی ہجےمختلف اوران تمام ہچے والے ناموں کو اکٹھا کیا جائے تو" محمد"  سب سے زیادہ مقبول نام ہے۔برطانوی سرکاری محکمے کے مطابق " محمد " نام 100 ناموں کی فہرست میں  سب سے پہلے 1924 میں دیکھنے میں آیا اورہرگزرتے دن کے ساتھ اس میں اضافہ ہوتا گیا۔ واضح رہے کہ 2014 میں بھی برطانیہ میں ’’محمد‘‘ مقبول ترین نام تھا اس کے علاوہ اس سال پیدا ہونے والے بچوں کے سب سے زیادہ مقبول ناموں کی فہرست میں علی اور ابراہیم بھی شامل تھے۔