نائیجیریا میں 2 خود کش حملوں میں 60 سے زائد افراد ہلاک

مہر خبررساں ایجنسی فرانسیسی خبررساں ایجنسی کے حوالے سے نقل کیا ہے کہ نائیجیریا میں 2 خود کش حملوں کے نتیجے میں 60 سے زائد افراد ہلاک جب کہ متعدد زخمی ہوگئے ہیں۔ اطلاعات کے مطابق نائیجیریا کے شمالی علاقے میں 2خود کش حملوں کے نتیجے میں 60 سے زائد افراد ہلاک جب کہ متعدد زخمی ہوگئے، دھماکے کے بعد جائے وقوعہ پر امدادی ٹیموں کی بڑی تعداد پہنچ گئی جنہوں نے زخمیوں کو اسپتال منتقل کیا جہاں بیشتر زخمیوں کی حالت تشویش ناک ہے جس کے باعث ہلاکتوں میں اضافہ کا خدشہ ہے۔ حکام کا کہنا ہے کہ خودکش حملے خانہ جنگی متاثرہ افراد کی رہائش کے لیے لگائے گئے کیمپ میں ہوا جہاں لوگوں کی بڑی تعداد موجود تھی۔خود کش حملہ کی ذمہ داری وہابی دہشت گرد تنظیم بوکو حرام نے قبول کرلی ہے۔