لیبیا میں کشتی ڈوبنے سے 400 سے زائد افراد ہلاک

مہر خبررساں ایجنسی نے رائٹرز کے حوالے سے نقل کیا ہے کہ لیبیا میں تارکین وطن کی کشتی ڈوبنے سے 400 سے زائد افراد ہلاک جب کہ 144 کو بچا لیا گیا ہے۔اطلاعات کے مطابق لیبیا کے ساحل سے 550 مسافروں کے لے کر جانے والی مسافر کشتی 24 گھنٹے کے اندر ہی ڈوب گئی جس کے نتیجے میں 400 سے زائد تارکین وطن ہلاک ہوگئے جب کہ 144 مسافروں کو ریسکیو کرتے ہوئے اٹلی پہنچایا دیا گیا۔ حکام کے مطابق کشتی ڈوبنے کی تحقیقات کا آغاز کردیا گیا ہے جب کہ ریسکیو آپریشن کے دوران ابتدائی طور پر 9 افراد کی لاشیں نکال لی گئی ہیں۔