وائٹ ہاؤس ملازمین کے زیر استعمال کمپیوٹرز میں سائبر حملوں کا انکشاف

مہر خبررساں ایجنسی نے ذرائع کے حوالے سے نقل کیا ہے کہ امریکہ میں وائٹ ہاؤس کےملازمین کے زیر استعمال کمپیوٹر نیٹ ورک میں مشکوک سائبر سرگرمی کا انکشاف ہوا ہے۔ وائٹ ہاؤس حکام کے مطابق سائبر حملوں کے خطرات کے جائزے کے دوران ایگزیکٹو آفس کے ملازمین کے زیر استعمال کمپیوٹرز میں مشکوک سائبر سرگرمیوں کا انکشاف ہوا، ان کمپیوٹرز کا انٹرنیٹ سے کچھ دیر کے لیے رابطہ منقطع بھی ہوا ۔ حکام کے مطابق مشکوک سرگرمی کی نشاندہی کے بعد فوری طور پر اس سے نمٹنے کے اقدمات کئے گئے۔