ڈیرہ اسماعیل خان میں اسلحہ سمیت 6 دہشت گرد گرفتار

مہرخبررساں ایجنسی نے پاکستانی ذرائع کے حوالے سے نقل کیا ہے کہ پاکستان کے ضلع ڈیرہ اسماعیل خان میں پولیس نے محرم الحرام کے بم دھماکوں میں ملوث 6 دہشت گردوں کو اسلحہ سمیت گرفتار کرلیا ہے۔

ذرائع کے مطابق  ڈیرہ اسماعیل خان میں پولیس کی دہشت گردوں کے خلاف یہ تیسری بڑی کارروائی ہے ، آپریشن کے دوران دو مکانوں سے اسلحہ بارود برآمد ہوا۔6 ملزمان گرفتار کر لیے گئے۔ڈیرہ اسماعیل خان میں تحصیل پہاڑپور کے علاقہ وانڈ ہ خالق شاہ میں خفیہ اطلاع پر پولیس نے سرچ آپریشن کیا۔ آپریشن کے دوران دومکانات سے کلاشنکوفیں ، پستول اور رائفلس برآمد ہوئیں۔ کارروائی کے دوران مکانوں سے 6 ملزمان کو بھی گرفتار کیا گیا ہے۔ دہشت گردوں کا تعلق طالبان شدت پسندوں سے بتایا جاتا ہے۔