آذربائیجان میں زلزلہ سےجاں بحق ہونے والوں کی تعداد 250 تک ہوگئی ہے

مہر خبررساں ایجنسی کے نامہ نگار کی رپورٹ کے مطابق  ایران کے صوبہ مشرقی آذربائیجان میں زلزلہ سے اب تک 250 افراد جاں بحق اور 2000 زخمی ہوگئے ہیں ۔ متاثرہ علاقوں میں امدادی کام جاری ہے ہلاک اور زخمی افراد کو اسپتالوں میں منتقل کردیا گیا ہے۔اطلاعات کے مطابق پہلا زلزلہ ایران کے شہر تبریز جبکہ دوسرا زلزلہ اھر قصبے کے قریب آیا۔ حکام کے مطابق زیادہ نقصان تبریز اور اھر کے مضافاتی علاقوں میں ہوا ہے۔ حکام کا کہنا ہے کہ زلزلے سے چار دیہات مکمل طور پر تباہ ہوگئے ہیں جبکہ ساٹھ دیہات میں ساٹھ سے ستّر فیصد تباہی ہوئی ہے۔ علاقہ میں امدادی کام جاری ہے۔زلزلے کے جھٹکوں کي شدت تقريباً 6.2 اور 6 ريکارڈ کي گئي ہے۔