پاکستان کے بعض علاقوں میں آج عید فطرمنائی جارہی ہے

مہر خبررساں ایجنسی نے پاکستانی ذرائع کے حوالے سے نقل کیا ہے کہ پاکستان کے صوبہ خیبر پختونخواہ ،بلوچستان ،گلگت بلتستان کے بعض علاقوں میں آج عید فطرمنائی جارہی ہے۔پشاور سمیت خیبر پختونخواہ کے بیشتر علاقوں میں عید الفطر کی نماز ادا کی گئی۔ گورنر اور وزیر اعلیٰ خیبر پختونخواہ نے گورنر ہاوس پشاور میں نماز عید پڑھی۔پشاور میں نماز عید کا مرکزی اجتماع عید گاہ میں ہوا۔ پشاور کی دیگر چھوٹی بڑی مساجد میں بھی عید فطرکی نماز ادا کی گئی۔ گورنر خیبر پختونخواہ اویس احمد غنی اور وزیر اعلیٰ امیر حیدر ہوتی سمیت سرکاری حکام نے نماز عید فطر ادا کی۔ خیبر پختونخواہ کے دیگر شہروں میں بھی نماز عید ادا کی گئی۔نوشہرہ میں متاثرین سیلاب کی نماز عید کا سب سے بڑا اجتماع نوشہرہ کینٹ میں ادا کیا گیا۔ ڈیرہ اسماعیل خان کی پولیس لائن میں نماز عید کا اجتماع منعقد کیا گیا۔باجوڑ ایجنسی کی تمام مساجد میں نماز عید ادا کی گئی ۔ شمالی و جنوبی وزیرستان، خیبر، مہمند، میں بھی نماز عید ادا کی گئی۔ادھرشمالی بلوچستان کے شہروں چمن، قلعہ عبداللہ، گلستان ، جنگل پیرعلی زئی، قلعہ سیف اللہ، مسلم باغ، دیگر علاقوں میں درجنوں مقامات پر نماز عید کے اجتماعات منعقد کیئے گئے،۔ضلع گلگت بلتستان کے علاقوں اسکردو، گھانچے,گلگت، ہنزہ نگر، اور استور میں کی جانب سے چاند دیکھے جانے کی شرعی شہادتیں موصول ہونے کے بعد آج عید منائی جارہی ہے۔ واضح رہے کہ  پاکستان کی رؤیت ہلال کمیٹی نے کل اعلان کیا تھا کہ شوال کا چاند نظر نہ آنے کی وجہ سے پاکستان میں عید فطر سنیچر کے دن منائي جائے گي۔