امریکہ نے ہندوستان کا تجارتی ترجیحی پروگرام معطل کر دیا

وائٹ ہاؤس سے جاری بیان کےمطابق صدرٹرمپ نے بھارت کو جی ایس پی ملک کے درجے کےخاتمے کا حکم نامہ جاری کر دیا ہے۔

مہر خبررساں ایجنسی نے غیر ملکی ذرائع کے حوالے سے نقل کیا ہے کہ وائٹ ہاؤس سے جاری بیان کےمطابق صدرٹرمپ نے بھارت کو جی ایس پی ملک کے درجے کےخاتمے کا حکم نامہ جاری کر دیا ہے۔ بھارت کو جی ایس پی معطلی پر عملدرآمد کا اطلاق 5جون سے ہوگا۔ امریکہ کی جانب سے جاری فیصلے میں کہا گیا ہے کہ بھارت کو ایگزیکٹو آرڈر کے تحت 24 نومبر 1975 میں جی ایس پی درجہ دیا گیا، تاہم بھارت اب اپنی منڈیوں تک مناسب رسائی اور یکساں مواقع فراہم کئے جانے کی یقین دہانی کرانے میں ناکام ہواہے، جس کےبعد اس سے جی ایس پی ملک کا درجہ واپس لیا جا رہا ہے۔فیصلےمیں امریکی صدر کا کہنا تھا کہ جی ایس پی درجہ واپس لینے کیلئے کانگریس کو 60روز پہلے مطلع کرنا ہوتا ہے، انہوں نے 4مارچ کو کانگریس کو اس بارے میں آگاہ کر دیا تھا۔ واضح رہے کہ جی ایس پی ٹریڈ پروگرام کے ذریعے ترقی پذیرممالک امریکہ کیلئے بغیر ڈیوٹی ادا کئے مصنوعات برآمدات کرتے ہیں۔

News Code 1891006

لیبلز

آپ کا تبصرہ

You are replying to: .
  • 1 + 12 =