فلسطین نے اسرائيل کوجھکنے پر مجبور کرلیا/ فلسطین اور ایران کی قدرت کا موازنہ

ایرانی سپاہ کی ایئر اسپیس فورس کے سربراہ نے اسرائیل کی کھوکھلی طاقت کی طرف اشارہ کرتے ہوئے کہا ہے کہ فلسطینیوں نے معمولی دفاعی طاقت کے ذریعہ اسرائیل کو 48 گھنٹوں کے اندر سرتسلیم خم کرنے پر مجبور کرلیا ۔ آپ ایران کی دفاعی طاقت کا فلسطینیوں کی دفاعی طاقت سے موازنہ کریں۔

مہر خبررساں ایجنسی کے نامہ نگار کی رپورٹ  کے مطابق ایرانی سپاہ کی ایئر اسپیس فورس کے سربراہ جنرل حاجی زادہ  نے اسرائیل کی کھوکھلی طاقت کی طرف اشارہ کرتے ہوئے کہا ہے کہ فلسطینیوں نے معمولی دفاعی طاقت کے ذریعہ اسرائیل کو 48 گھنٹوں کے اندر سر تسلیم خم کرنے پر مجبور کرلیا ۔ آپ ایران کی دفاعی طاقت کا فلسطینیوں کی دفاعی طاقت سے موازنہ کریں۔  جنرل حاجی زادہ نے شہید تہرانی مقدم کی شہادت کی سالگرہ کے موقع پر مقبوضہ فلسطین میں رونما ہونے والے حالات کی طرف اشارہ کرتے ہوئے کہا کہ اسلامی مزاحمتی تنظیموں حزب اللہ لبنان ، حماس اور جہاد اسلامی نے اسرائیل کی طاقت کا طلسم توڑدیا ہے۔ انھوں نے کہا کہ ایران کی فوجی طاقت اور قدرت سے امریکہ اور اسرائيل اچھی طرح آگاہ ہیں۔ اور امریکی صدر ٹرمپ کا عربوں کے سامنے ایران کی طاقت کا حوالہ دینا اس بات کا مظہر ہے کہ ہمارے دشمنوں کو ہماری طاقت کے بارے میں اچھا خاصا علم ہے۔

News Code 1885637

لیبلز

آپ کا تبصرہ

You are replying to: .
  • 6 + 2 =