اسلام آباد میں ٹرین حادثے میں دو بچوں سمیت 3افراد ہلاک

مہر خبررساں ایجنسی نے جنگ کے حوالے سے نقل کیا ہے کہ پاکستان کے دارالحکومت اسلام آباد میں ٹرین حادثے میں ایک ہی گھر کے دو بچوں سمیت 3افراد جاں بحق ہوگئے ۔ اسلام آباد کے تھانہ شمس کالونی کے علاقے میں اپنی نوعیت کا پہلا ٹرین حادثہ اس موقع پیش آیا جب دونوں اطراف سے ریل گاڑیاں آگئیں۔پولیس ذرائع کے مطابق حادثے میں جاں بحق ہونے والے تینوں افراد اس وقت ریلوے لائن پر موجود تھےجو ٹرین کی زد میں آکر موقع پر ہی جان کی بازی ہار گئے۔پولیس ذرائع کے مطابق بچے قریبی آبادی کے رہائشی تھے جبکہ دونوں ٹرینوں میں سےایک راولپنڈی سے اسلام آباد جبکہ دوسری اسلام آباد سے راولپنڈی جا رہی تھی ۔