سعودی عرب اپنے ہی صحافی کو بہیمانہ طور پر قتل کرکے عالمی سطح پر رسوا ہوگیا

قم المقدس میں نماز جمعہ کے خطیب نے علاقائی اور عالمی سطح پر سعودی عرب کے سنگین اور مجرمانہ جرائم کی طرف اشارہ کرتے ہوئے کہا ہے کہ سعودی عرب، ترکی میں اپنے ہی صحافی کو بہیمانہ طور پر قتل کرکے عالمی سطح پر رسوا ہوگیا ہے۔

مہر خبررساں ایجنسی کے نامہ نگار کی رپورٹ کے مطابق قم المقدس میں نماز جمعہ کے خطیب آیت اللہ ہاشم بوشہری نے علاقائی اور عالمی سطح پر سعودی عرب کے سنگین اور مجرمانہ جرائم کی طرف اشارہ کرتے ہوئے کہا ہے کہ سعودی عرب، ترکی میں اپنے ہی صحافی کو بہیمانہ طور پر قتل کرکے عالمی سطح پر رسوا ہوگیا ہے۔

قم کے خطیب جمعہ نے ترکی کے شہر استنبول میں سعودی عرب کے قونصلخانہ میں سعودی صحافی کے بہیمانہ قتل کو شرم آور قراردیتے ہوئے کہا کہ اللہ تعالی جب کسی کو ذلیل اور رسوا کرنا چاہتا ہے تو وہ ایسے ہی کرتا ہے ۔ سعودی عرب اپنے ہی مجرمانہ فعل کے ذریعہ عالمی سطح پر ذلیل اور رسوا ہوگیا ہے۔ انھوں نے کہا کہ امریکی صدر ٹرمپ اپنے قریبی دوست ملک سلمان اور محمد بن سلمان کو بچانے کی کوشش کررہا ہے اور اس نے یہ کہہ دیا ہے کہ سعودی عرب ایسی رپورٹ تیار کرے جس میں یہ اعلان کرے کہ اس کا صحافی کے قتل سے کوئی تعلق نہیں اور یہ بہیمانہ اقدام چند سرکش افراد کا تھا۔ ٹرمپ نے واضح کردیا ہے کہ امریکہ اپنے مفادات کو ایک صحافی کے قتل پر قربان نہیں کرےگا۔

آیت اللہ بوشہری نے ایرانی حکام کو ہوشیار رہنے پر تاکید کرتے ہوئےکہا کہ  دشمن ایران کے اطراف میں نت نئےمنصوبے بنا رہا ہے اور ایرانی حکام کو دشمن کے منصوبوں کو ناکام بنانے کے لئے سوفیصد آمادہ رہنا چاہیے۔

News Code 1884927

آپ کا تبصرہ

You are replying to: .
  • 1 + 2 =