اسلام آباد میں پاکستان اور چین کے وزراء خارجہ کی ملاقات

پاکستان کے دارالحکومت اسلام آباد میں پاکستان اور چین کے وزرائے خارجہ نے مذاکرات میں دوطرفہ تعلقات اور باہمی دلچسپی کے دیگر امور پر تبادلہ خیال کیا ہے۔

مہر خبررساں ایجنسی نے ایکسپریس کے مطابق پاکستان کے دارالحکومت اسلام آباد میں  پاکستان اور چین کے وزرائے خارجہ شاہ محمود قریشی اور وانگ ژی نے  مذاکرات میں دوطرفہ تعلقات اور باہمی دلچسپی کے دیگر امور پر تبادلہ خیال کیا ہے۔ اطلاعات کے مطابق چین کے وزیر خارجہ وانگ ژی دیگر اہم چینی حکام کے ہمراہ دفتر خارجہ پہنچے جہاں وزیر خارجہ شاہ محمود قریشی نے ان کا استقبال کیا۔ مذاکرات کے پہلے مرحلے میں دونوں ملکوں کے وزرائے خارجہ کے درمیان ون آن ون ملاقات ہوئی جس کے بعد وفود کی سطح پر مذاکرات ہوئے۔ مذاکرات میں خطے کی صورتحال، سی پیک، دونوں ملکوں کے درمیان معاشی و ثقافتی تعاون اور باہمی دلچسپی کے دیگر امور پر تبادلہ خیال کیا گیا۔ دونوں وزرائے خارجہ نے اسٹریٹجک تعاون پر مبنی شراکت داری کو مزید مستحکم کرنے کے عزم کا اعادہ کیا۔

News Code 1883772

لیبلز

آپ کا تبصرہ

You are replying to: .
  • 9 + 1 =