انگولا میں طیارہ کے حادثے میں 7 افراد ہلاک

مہر خبررساں ایجنسی نے غیر ملکی ذرائع کے حوالے سے نقل کیا ہے کہ انگولا میں طیارہ گر کر تباہ ہوگیا ہے جس کے نتیجے میں اس میں سوار عملہ سمیت تمام 7 افراد ہلاک ہو گئے ہیں۔  اطلاعات کے مطابق مسافر بردار طیارہ کانگو سے انگولا کے دارالحکومت لوآنڈا جا رہا تھا کہ ملک کے ایک دور دراز علاقے میں گر کر تباہ ہو گیا۔ حکام کے مطابق دو فوجی ہیلی کاپٹر حادثے کے مقام پر روانہ کر دیے گئے ہیں تاکہ لاشوں کو ملبے سے نکالا جا سکے حادثے کی تحقیقات کا آغاز کردیا گیا ہے۔