تھائی لینڈمیں ایئر شو کے دوران طیارہ گر کر تباہ / پائلٹ ہلاک

مہر خبررساں ایجنسی نے سماکے حوالے سے نقل کیا ہے کہ تھائی لینڈمیں ہونیوالے ایک ایئر شو کے دوران  لڑاکا طیارہ پرفارمنس کے دوران گر کر تباہ ہوگیا جس کے نتیجے میں پائلٹ ہلاک ہوگیا ہے۔ اطلاعات کےمطابق تھائی حکام کا کہنا تھا کہ گزشتہ روز ملک کے جنوبی شہر ہت ہائی میں بچوں کو محظوظ کرنے کیلئے ایک ایئر شوکا انعقاد کیا گیا ایئرشو کے دوران لڑاکا طیارہ اپنی پرفارمنس کا مظاہرہ کررہا تھا کہ اس میں اچانگ آگ بھڑک اٹھی اور طیارہ تباہ ہوگیا۔حکام کے مطابق تقریب ایک مقامی ایئرپورٹ پر منعقد کی گئی تھی۔پائلٹ کی ہلاکت کے بعد واقعہ کی تحقیقات کیلئے حکم دیدیا گیا ہے۔