اسلام آباد میں 2 ماہ کےلیے دفعہ 144 نافذ

مہر خبررساں ایجنسی نے جنگ کے حوالے سے نقل کیا ہے کہ پاکستان کے دارالحکومت اسلام آباد کی ضلعی انتظامیہ نے شہر کے اہم علاقوں میں 2 ماہ کےلیے دفعہ 144 نافذ کردی ہے جس کے تحت آتش بازی ، اسلحے کی نمائش اور جلسے جلوسوں پرپابندی عائد ہوگی ۔ اطلاعات کے مطابق ڈپٹی کمشنراسلام آباد کے مطابق دفعہ 144 ریڈزون ، ایمبسی روڈ ، یونیورسٹی روڑ ، تھرڈ ایونیو ، فورتھ ایونیو سے مری روڈ اور جناح ایونیو سمیت دیگر ملحقہ علاقوں میں لگائی گئی ہے۔ دفعہ 144سکیورٹی خدشات کے پیش نظرلگائی گئی ہے ۔
ضلعی انتظامیہ کا کہنا ہے کہ لاؤڈ اسپیکر کے غلط استعمال پر بھی دوماہ کے لیے پابندی عائد کردی گئی ہے۔ دفعہ144کی خلاف ورزی کرنے والوں سے سختی سے نمٹا جائے گا ۔