پاکستان میں وین میں آگ لگنے سے 10 مسافر ہلاک

مہر خبررساں ایجنسی نے پاکستانی ذرائع کے حوالے سے نقل کیا ہے کہ پاکستان میں حیدرآباد سے گراچی جانے والی مسافر وین میں آگ لگنے سے 10 مسافر جھلس کر ہلاک اور متعدد زخمی ہوگئے ہیں۔ اطلاعات کے مطابق مسافر وین حیدرآباد سے کراچی جارہی تھی کہ نوری آباد کے قریب گاڑی کا سلنڈر پھٹنے سے اس میں آگ لگ گئی جس کے نتیجے میں 5 مسافر جھلس کر جاں بحق جب کہ متعدد زخمی ہوگئے، زخمی ہونے والوں میں بچے اور عورتیں بھی شامل ہیں جنہیں ریسکیو ٹیموں نے قریبی اسپتال منتقل کیا جہاں مزید 5 زخمی دم توڑ گئے جب کہ اسپتال ذرائع کا کہنا ہے کہ بری طرح جھلسنے کے باعث مزید چند مسافروں کی حالت تشویشناک ہے۔