جرمنی میں پولیس کے ساتھ جھڑپوں میں 100 سے زائد افرادزخمی

مہرخبررساں ایجنسی نے جرمن خبررساں ایجنسی کے حوالے سے نقل کیا ہے کہ جرمنی میں کلچر سینٹر کی بندش کے خلاف مظاہرین اورپولیس کے درمیان جھڑپوں میں 100 سے زائد افرادزخمی ہوگئے ہیں۔  پولیس کے مطابق شمالی شہر ہیمبرگ جھڑپیں گزشتہ روز اس وقت ہوئیں جب سات ہزار سے زائد مظاہرین نے بائیں بازو سے تعلق رکھنے والے روٹے فلورا کلچر سینٹر کی بندش کے خلاف احتجاج کیا، پولیس کے ساتھ جھڑپ میں متعدد مظاہرین زخمی ہوئے اور 19افراد کو گرفتار بھی کیا گیا ہے زخمی ہونے والے مظاہرین کی تعداد 100 تک بتائی جاتی ہے ۔