ایرانی وزير خارجہ کا پیغام لبنان کے وزير خارجہ کو پیش کردیا

مہر خبررساں ایجنسی کی رپورٹ کے مطابق لبنان میں اسلامی جمہوریہ ایران کے سفیرغضنفر رکن آبادی  نے ایرانی وزیر خارجہ محمد جواد ظریف کے پیغام کو لبنانی وزير خارجہ عدنان منصور کے حوالے کردیا ہے۔ لبنان کے وزیر خارجہ نے ایرانی سفیر کے ساتھ گفتگو میں شام کے خلاف فوجی کارروائی اور طاقت کے استعمال کر رد کرتے ہوئے کہا کہ شام کے معاملے کو مذاکرات کے ذریعہ حل کیا جاسکتا ہے انھوں نے کہا کہ اگر امریکہ کی سرپرستی میں بعض علاقائي ممالک دہشت گردوں کی حمایت بند کردیں تو شام کا معاملہ خود بخود حل ہوجائےگا۔