اسرائیلی فوجی کے بدلے مزید 500 فلسطینی قیدی رہا

مہر خبررساں ایجنسی نے الجزیرہ کے حوالے سے نقل کیا ہے کہ اسلامی تنظیم حماس اور اسرائیل کے درمیان ہونے والے قیدیوں کے معاہدے کی روشنی میں ایک اسرائیلی فوجی کی رہائی کے بدلے اسرائیل نے مزید پانچ سو پچاس فلسطینی قیدیوں رہا کردیا ہے۔ پانچ سال پہلے قید ہوئے گیلاد شالت کے بدلے اسرائیلی حکومت کو معاہدے کے تحت ایک ہزارستائیس فلسطینی قیدی آزاد کرنا پڑے۔آزاد فلسطینی قیدیوں کا قافلہ جب راملہ پہنچا تو ہزاروں فلسطینیوں نے پر جوش استقبال کیا۔ بارڈر پر جشن کا سماں تھا اور لوگ خوشی سے جھوم رہے تھے۔ رہائی قیدیوں کے تبادلے کے ایک معاہدے کے ذریعے ہوئی جس کے تحت اسرائیل نے چار سو ستتر فلسطینی قیدی 18 اکتوبر کو رہا کیے تھے، فلسطینی عسکریت پسند تنظیم حماس نے پانچ سال اپنی قید میں رکھنے کے بعد اسرائیلی فوجی گیلاد شالت کواکتوبرمیں رہا کیا تھا، گیلاد شالت 2006 میں سرحد پر ہونے والی ایک جھڑپ میں پکڑا گیا تھا۔ اسرائیل کی جیلوں میں تقریباً چھ ہزار سے زائد فلسطینی قید موجود ہیں۔