حزب اللہ کو غیر مسلح کرنا ممکن نہیں، اسرائیلی فوج کا اعتراف

مہر خبررساں ایجنسی کی رپورٹ کے مطابق، عبرانی زبان کے اخبار ہا آرتض نے اسرائیلی فوج کے حوالے سے رپورٹ کیا ہے کہ ہم کبھی بھی حزب اللہ کو غیر مسلح کرنے میں کامیاب نہیں ہو سکیں گے، اور اس مقصد کے لیے لبنان پر مکمل قبضہ درکار ہوگا۔

رپورٹ میں کہا گیا ہے کہ لبنان کی مکمل سرزمین پر قبضہ اس جنگ کا ہدف نہیں ہے اور خود لبنان ہی حزب اللہ کو غیر مسلح کرنے کی صلاحیت رکھتا ہے۔

اسرائیلی ٹی وی چینل 12 نے بھی رپورٹ کیا ہے کہ فوج کا یہ مؤقف اس سے قبل دیے گئے بیانات سے متصادم ہے۔

اسرائیلی فوج کے ریڈیو نے بھی اس بات پر زور دیا کہ فوج اس امر کا اعتراف کرتی ہے کہ حزب اللہ کو غیر مسلح کرنے کو جنگی ہدف قرار دینا حد سے زیادہ بلند پروازانہ تھا۔

یہ پیش رفت ایسے وقت میں سامنے آئی ہے جب حزب اللہ کی جانب سے اسرائیلی ٹھکانوں پر شدید حملے جاری ہیں، جبکہ تل ابیب گزشتہ ایک سال سے اس تنظیم کی عسکری صلاحیت کو مکمل طور پر تباہ کرنے کا دعویٰ کرتا رہا ہے۔