مہر خبررساں ایجنسی نے الجزیرہ کے حوالے سے بتایا ہے کہ فلسطینی مزاحمتی حماس نے ایک بیان میں 6 صیہونی قیدیوں کی ہلاکت پر ردعمل ظاہر کیا۔
حماس نے کہا کہ اسرائیلی فوج کی جانب سے غزہ میں 6 صیہونی قیدیوں کی ہلاکت کا اعتراف حماس کے بیانیے کی سچائی کو ثابت کرتا ہے اور اس واقعے کے نتائج کی ذمہ داری غاصب رجیم پر عائد ہوتی ہے۔
فلسطینی تحریک کے بیان میں مزید کہا گیا کہ صہیونی فوج کے ہاتھوں مزید اسرائیلی قیدیوں کی ہلاکت نیتن یاہو کے قیدیوں کو طاقت کے سہارے چھڑانے کے نظریہ کی واضح شکست ہے۔
حماس نے واضح کیا کہ صیہونی رجیم کا فوجی دباؤ قیدیوں کی آزادی کے بجائے ہلاکت کا باعث بنے گا۔
فلسطینی مزاحمت نے زور دے کر کہا کہ معاہدے کی ناکامی کے باعث غزہ میں درجنوں اسرائیلی قیدیوں کی ہلاکت کے براہ راست ذمہ دار نیتن یاہو ہیں۔
اس تحریک نے ایک بار پھر واضح کیا کہ غاصب رجیم کے پاس غزہ میں جنگ بندی، قابض افواج کے انخلاء اور قیدیوں کے تبادلے کے معاہدے پر دستخط کرنے کے علاوہ کوئی راستہ نہیں بچا ہے۔
آپ کا تبصرہ