مقدونیہ میں 21غیر قانونی تارکین وطن گرفتار

مہر خبررساں ایجنسی نے غیر ملکی ذرائع کے حوالے سے نقل کیا ہے کہ جنوب مشرقی یورپ کے ملک مقدونیہ میں پولیس نے 21غیر قانونی تارکین وطن کو گرفتار کرلیا ہے جن میں پاکستانی بھی شامل ہیں۔ مقدونیہ پولیس کے مطابق گشت کرنے والے اہلکاروں نے سربیا کی سرحد کے قریب ایک جیپ کو روکنے کی کوشش کی تو ڈرائیور گاڑی چھوڑ کر فرار ہوگیا۔اہلکاروں نے علاقے کی تلاشی لی تو جنگل میں چھپے 21 افراد پکڑے گئے جن کا تعلق پاکستان، عراق اور شام سے ہے۔ یہ افراد غیر قانونی طور پر سفر کررہے تھے۔