ٹرمپ نے خود کو نوبل انعام کا حقدار قراردیا

مہر خبررساں ایجنسی نے ایسوسی ایٹڈ پریس کے حوالے سے نقل کیا ہے کہ ڈونلڈ ٹرمپ نے کہا کہ وہ سابق صدر اوبامہ سے زیادہ نوبل امن انعام کے حق دارہیں۔ انہوں نے کہا کہ شمالی کوریا پر اتنا اچھا کام کیا کہ جاپانی وزیر اعظم نے انھیں نوبیل امن انعام کے لیے نام زد کیا ہے۔ امریکی صدر نے کہا کہ جاپان کے اوپر سے شمالی کوریا کے میزائل گزرتے تھے، اب اچانک میزائل تھم گئے ہیں۔ ڈونلڈ ٹرمپ نےکہاکہ یہ سب کچھ میں نے کیا ہے مگر ممکن ہے کہ انھیں نوبل امن انعام کبھی نہ ملے۔ انہوں نے کہاکہ کمیٹی نے نوبل انعام اوبامہ کو دے دیا جنہیں یہ پتا ہی نہ تھا کہ یہ اعزاز کیوں ملا ؟