پاکستانی فضائیہ کے سربراہ کی سعودی نائب وزیر دفاع سے ملاقات

مہر خبررساں ایجنسی نے جنگ کے حوالے سے نقل کیا ہے کہ پاکستانی فضائیہ کے سربراہ ایئر چیف مارشل مجاہد انور خان نے سعودی عرب کے سرکاری دورے کے دوران آج سعودی عرب کے نائب وزیرِ دفاع محمد بن عبداللہ العیش سے ملاقات کی۔ دونوں عہدیداروں نے دفاعی اور سیکورٹی تعاون، علاقائی استحکام اور دونوں ممالک کے درمیان بالعموم اور دونوں فضائی افواج کے درمیان بالخصوص تعلقات کو مزید فروغ دینے کے طریقہ کار پر گفتگو کی۔