فلپائن میں بم دھماکے میں 10 افراد ہلاک

مہر خبررساں ایجنسی نےغیر ملکی ذرائع کے حوالے سے نقل کیا ہے کہ فلپائن کے جنوبی علاقے میں ایک وین میں بم دھماکےکے نتیجے میں فوجیوں اور شہریوں سمیت 10افراد ہلاک ہوگئے۔ اطلاعات کے مطابق فلپائن کے جنوب میں واقع باسیلان جزیرے کے شہر لمیتان کی چیک پوسٹ پر فوجیوں نے تلاشی کے لیے وین کو روکا تھا کہ دھماکہ ہو گیا۔ہلاک ہونے والوں میں 5فوجی اہلکار اور 4 عام شہری شامل ہیں،جبکہ واقعے میں وین ڈرائیور کا تعلق ابو سیاف گروپ سے بتایا جارہا ہے جو موقع پر ہی ہلاک ہوگیا۔