عادل الجبیر، اسرائیل کے بہترین ترجمان / الجبیر ،اسرائیلی باتوں کا عربی میں ترجمہ کرتے ہیں

مہر خبررساں ایجنسی نے العالم کے حوالے سے نقل کیا ہے کہ اسرائیل کے سابق وزير جنگ موشہ یعلون نے کہا ہے کہ سعودی عرب کے وزير خارجہ عادل الجبیر اسرائیل کے بہترین ترجمان ہیں وہ اسرائيل کی باتوں کا عربی میں ترجمہ کرتے ہیں ۔ اس نے کہا کہ عادل الجبیر وہی باتیں عربی میں کہتے ہیں جو اسرائيل عبری زبان میں کہتا ہے۔ اس نے کہا کہ ایرانی نظام اسرائيل کو صفحہ ہستی سے مٹانے کی بات کررہا ہے جبکہ ہم نے سعودی عرب کو ایران کے پیچھے لگا دیا ہے کیونکہ ایران سے اسرائيل اور سعودی عرب دونوں کو خطرہ ہے اور اسی وجہ سے سعودی عرب کے ولیعہد اور وزير خارجہ اسرائیل کے ساتھ تعاون کرنے پر مجبور ہیں۔