ہندوستانی خفیہ ایجنسی کا دو پاکستانی جاسوسوں کو گرفتار کرنے کا دعوی

مہر خبررساں ایجنسی نے ہندوستانی ذرائع کے حوالے سے نقل کیا ہے کہ ہندوستانی خفیہ ایجنسی انٹیلی جنس بیورو نے ا سٹراٹیجک معلومات پاکستانی  حکام کو منتقل کرنے کے شبے میں 2 جاسوسوں کو گرفتار کرنے کا دعویٰ کیا ہے۔ اطلاعات کے مطابق انٹیلی جنس ذرائع کا کہنا ہے کہ دونوں مشتبہ افراد کوریاست راجستھان میں بھگت کی کوٹھی ریلوے اسٹیشن سے اس وقت گرفتار کیا گیا جب وہ تھر ایکسپریس میں سوار ہونے کی کوشش کر رہے تھے۔ دونوں مشتبہ افراد کو مزید تحقیقات کے لئے جے پور لے جایا گیا ہے۔ ذرائع کا دعویٰ ہے کہ دونوں مشتبہ افراد تھر ایکسپریس کے ذریعے پاکستانی رابطہ کاروں کو کئی اسٹراٹیجک معلومات فراہم کر چکے ہیں۔