پاکستان میں ٹریفک حادثے میں 25 افراد ہلاک

مہر خبررساں ایجنسی نے پاکستانی ذرائع کے حوالے سے نقل کیا ہے کہ پاکستان کے علاقہ بہاولپور میں بائی پاس کے قریب مسافر وین اور ٹرک کے درمیان تصادم کے نتیجے میں 25 افراد ہلاک ہوگئے ہیں۔ذرائع کے مطابق حادثہ اس وقت پیش آیا جب بہاولپور سے احمد پور شرقیہ جانے والی مسافر وین مخالف سمت سے آنے والے ٹرک سے ٹکراگئی جس کے نتیجے میں25 افراد ہلاک اور متعدد زخمی ہوگئے۔ ویگن کی باڈی کاٹ کر زخمیوں اور لاشوں کو نکالاگیا۔