فلسطيني انتظاميہ كے سربراہ محمود عباس كي جنگ بندي كي تجويز كا جواب

فلسطيني انتظاميہ كے سربراہ محمود عباس كي جنگ بندي كي تجويز كا جواب فلسطيني علاقوں پر صيہوني حكومت كے حملوں ميں اضافے اور فلسطينيوں كو خاك و خون ميں غلطاں كر كے دياگيا ہے ـ  فلسطيني سربراہ محمود عباس كي جانب سے جنگ بندي كے ايك منصوبے كا جائزہ لينے كي تجويز اور صيہوني حكومت كي جانب سے تشدد آميز جواب نے ايك بار پھر اس حقيقت كو واضح كرديا ہے كہ صيہوني حكومت قيامِ امن كي كوششوں ميں ركاوٹ شمار ہوتي ہے ـ  جنگ بندي كي تجويز نے بحرانِ فلسطين كے حل كے لئے بين الاقوامي كوششوں كے ساتھ يكجہتي كے لئے فلسطينيوں كي نيك نيتي دنيا كے سامنے نماياں كر دي ہے ـ  محمود عباس كي جنگ بندي كي تجويز پر صہيوني حكومت كے ردِ عمل سے ثابت ہوگيا كہ بنيادي طور پر اِس حكومت كي ماہيت تشدد ، قتل ، جنگ پسندي اور اسرائيل كي انسانيت مخالف اور جنگ پسندانہ كاروائي جو گذشتہ پچاس برسوں سے جاري ہے اِس حقيقت كي  تائيد كي ہے ـ  صہيوني حكومت امن كے عمل اور مصالحت آميز طريقوں كو صرف اپني توسيع پسندانہ پاليسيوں كے لئے ايك ہتھكنڈے كے طور پر ديكھتا ہے ـ  اِس نظريے كي بنا پر صہيوني حكومت نے امن مذاكرات اور جنگ بندي كے منصوبوں پر ہميشہ مذموم عزائم ہي ظاہر كئے ہيں ـ  علاقے ميں تمام امن منصوبوں كو تعطل كا شكار بنانا اور فلسطينيوں كي جانب سے جنگ بندي كي سابقہ تجويزوں كو ناكام بنانا اسرائيل كا وطيرہ رہا ہے ، اسي بنا پر فلسطيني تنظيميں بھي صہيوني حكومت كے ساتھ جنگ بندي كي تجويز كے جائزے كو ملتِ فلسطين كے لئے مفيد نہيں سمجھتے كيونكہ اسرائيل كسي بھي معاہدے كي پابند نہيں ہے ـ  فلسطين كي جہادي تنظيموں كا خيال ہے كہ جنگ بندي كے بارے ميں مذاكرات صرف اُسي وقت ممكن ہيں جب صہيوني حكومت فلسطيني عوام پر اپنے حملے بند كردے ، فلسطيني تنظيموں كا خيال ہے كہ ايسي حالت ميں جب فلسطين پر غاصبانہ قبضہ ہے اور صہيوني حكومت كي توسيع پسندانہ پاليسياں سختي سے جاري ہيں جنگ بندي كي تجويز پر ايك قسم كي سادہ سوچ كا نتيجہ ہے ـ  ان حالات ميں فلسطيني عوام تحريكِ انتفاضہ كے جاري رہنے كو فلسطين كے مقاصد كے حصول كي واحد راہ سمجھتے ہيں اور انہيں توقع ہے كہ تحريكِ انتفاضہ كي حمايت فلسطيني انتظاميہ كے پروگراموں ميں سر فہرست رہے گي ـ