سعد الفقيہ كا نام بين الاقوامي دہشتگرد فہرست ميں شامل ، برطانيہ ميں اثاثے منجمد

خبررساں ايجنسي مہر نے الجزيرہ ٹي وي كے حوالے سے خـبر دي ہے كہ اقوام متحدہ كي بين الاقوامي دہشتگرد مخالف كميٹي نےسعودي ارب پتي سعد الفقيہ كا نام ان لوگوں كي فہرست ميں شامل كيا تھا جو كہ موومنٹ آف اسلامك ريفارمز كي مالي مدد كر رہے ہيں ـ برطانيہ ميں جلا وطني كي زندگي گزارنے والے سعد الفقہي نے ان الزامات كي ترديد كي ہے ـ

بينك آف انگلينڈ نے سعودي عرب ميں اسلامي اصلاحات كي تحريك ’موومنٹ آف اسلامك ريفارمز‘ سے مبينہ طور پر تعلق ركھنے والے سعودي باشندے سعد الفقيہ كے اثاثے منجمد كرنے كا اعلان كيا ہے ـ

برطانوي كي وزارت خزانہ كا كہنا ہے سعد الفقيہ اور سعودي عرب كي اسلامي تنظيم كے تعلقات كے بارے ميں ان كے پاس خاصے شواہد موجود ہيں ـ

برطانيہ كے تمام مالي اداروں كو حكم جاري كيا گيا ہے كہ وہ سعد الفقيہ كے اثاتے فوري طور پر منجمد كر ديں ـ

خزانہ كي ترجمان نے كہا كہ جمعہ كو وزير خزانہ نے بينك آف انگلينڈ كو حكم جاري كيا ہے كہ وہ تمام مالياتي اداروں كہ سعودي عرب كي اسلامي تحريك كے نام يا اس كے ايماء پر كام كرنے والے تمام اشخاص كے اثاثے فوري طور پر منجمد كر ديے جائيں ـ

انہوں نے كہا كہ وزارت خزانہ كے پاس ايسے شواہد ہيں جن سے يہ شك ابھرتا ہے كہ سعد الفقيہ سعودي عرب كي اسلامي تحريك كے ليے كام كر رہے تھے ـ

انہوں نے كہا كہ اس كا مطلب يہ ہے كہ سعد الفقہي كے ذاتي اثاثے بھي منجمد ہو جائيں گے ـ

انہوں نے كہا كہ بينك آف انگلينڈ نے يہ اقدام اقوام متحدہ كے القاعدہ اور طالبان آرڈر سن دو ہزار ايك كے تحت اٹھايا ہے ـ

ترجمان نے كہا كہ بينكنگ قوانين كے تحت ان اثاثوں كي ماليت كے بارے ميں تفصيلات فراہم نہيں كي جا سكتيں ـ

بدھ كو امريكہ نے بھي سعد الفقہي كے اثاثہ جات منجمد كرنے كا اعلان كيا تھا ـ سعد الفقہي نے سعودي حكومت كے خلاف عوام كو احتجاج شروع كرنے كو كہا تھا ـ

سعد الفقہي نے القاعدہ سے تعلقات كے الزام كي ترديد كي تھي اور واشنگٹن پر الزام عائد كيا تھا كہ وہ دہشت گردي كے خلاف مہم كو سعودي عرب كے شاہي خاندان كو بچانے كے ليے استعمال كر رہي ہے ـ