مہر خبررساں ایجنسی کی رپورٹ کے مطابق ایرانی وزیر خارجہ سید عباس عراقچی نے پاکستانی نائب وزیر اعظم اور وزیر اسحاق ڈار سے ٹیلیفونک رابطہ کیا اور خطے کی تازہ ترین صورتحال پر تبادلہ خیال کیا۔
گفتگو کے دوران دونوں رہنماؤں نے باہمی تعلقات پر اطمینان کا اظہار کرتے ہوئے تمام شعبوں میں تعاون کو توسیع دینے پر اتفاق کیا۔
ایرانی وزیر خارجہ نے اقوام متحدہ کے ہنگامی اجلاس میں پاکستانی موقف پر اظہار تشکر کیا جس میں ایران کے اندرونی معاملات میں بیرونی مداخلت کی مخالفت اور گذشتہ ہفتے دہشت گردوں کے ہاتھوں بے گناہ شہریوں اور سیکورٹی اہلکاروں کی شہادت کی مذمت کی گئی تھی۔
انہوں نے امریکی مداخلت کے پیش نظر خطے کے ممالک پر زور دیا ہے کہ استحکام اور امن کے قیام کے لیے متحد ہوجائیں۔
گفتگو کے دوران پاکستانی وزیر خارجہ نے ایران میں بیرونی حمایت کے تحت دہشت گردی میں بے گناہ لوگوں کی شہادت کی سختی سے مذمت کی اور امید ظاہر کی ہے ایرانی حکومت اور عوام باہمی تعاون سے ملک میں امن اور استحکام قائم کرنے میں کامیاب ہوں گے۔
انہوں نے خطے میں کشیدگی کے نتائج پر تشویش کا اظہار کرتے ہوئے کہا کہ خطے کے استحکام کے لیے سفارتی چینل کو استعمال کرنا ضروری ہے۔
آپ کا تبصرہ