نئی دہلی میں شدید فضائی آلودگی کے باعث اسکول تاحکم ثانی بند

ہندوستان کے دارالحکومت نئی دہلی میں شدید فضائی آلودگی کے باعث کل سے اسکول تاحکم ثانی بند رہیں گے۔

مہر خبررساں ایجنسی نے بھارتی ذرائع کے حوالے سے نقل کیا ہے کہ ہندوستان کے دارالحکومت نئی دہلی میں شدید فضائی آلودگی کے باعث کل سے اسکول تاحکم ثانی بند رہیں گے۔ بھارتی وزیرماحولیات گوپال رائے کے مطابق ائیرکوالٹی بہتر ہونے کی پیش گوئی کے بعد اسکول دوبارہ کھولے گئے تھے لیکن فضائی آلودگی بدستوربرقراررہنے کی وجہ سے کل سے تمام اسکول تاحکم ثانی بند رہیں گے۔ نئی دہلی میں اسکولز 4روز قبل کھولے گئے تھے۔ ادھربھارتی سپریم کورٹ نے آلودگی میں کمی کے لئے ناکافی اقدامات پر اظہار برہمی کرتے ہوئے مرکزی  اوردہلی کی حکومت کو24گھنٹے کا نوٹس دے دیا ہے۔

سپریم کورٹ کا کہنا تھا کہ دہلی اورمرکزکی حکومت  گاڑیوں اورفیکٹریوں سے پیدا ہونے والی فضائی آلودگی میں کمی لانے کے لئے 24گھنٹے میں اقدامات کرے۔

بھارتی دارالحکومت میں خطرناک حد تک موجود فضائی آلودگی سے متعلق کیس کی سماعت کے دوران بھارتی سپریم کورٹ نے دہلی کی حکومت کی سرزنش کرتے ہوئے کہا کہ 3 اور4سال کے بچے تواسکول جارہے ہیں لیکن بڑے گھر سے کام کررہے ہیں۔

News Code 1909024

لیبلز

آپ کا تبصرہ

You are replying to: .
  • 1 + 14 =