شیخ زکزاکی عالم اسلام کے زندہ شہید ہیں

قم المقدس میں ایک دینی مرجع نے ایرانی وزارت خارجہ پر شیخ زکزاکی کے بارے میں سنجدیہ اقدام پر زوردیتے ہوئے کہا ہے کہ شیخ زکزاکی عالم اسلام کے زندہ شہید ہیں۔

مہر خبررساں ایجنسی کے نامہ نگار کی رپورٹ کے مطابق قم المقدس میں دینی مرجع آیت اللہ ناصر مکارم شیرازی نے شیخ ابراہیم  زکزاکی کے اہلخانہ سے ملاقات میں شیخ زکزاکی کو عالم اسلام کا زندہ شہید قراردیا اور ایرانی وزارت خارجہ پرزوردیا کہ وہ  شیخ زکزاکی کو رہا کروانے کے سلسلے میں سنجیدہ اقدام  عمل میں لائے ۔

آیت اللہ مکارم شیرازی نے شیخ زکزاکی کو بہادر، شجاع اور دلیر انسان قراردیتے ہوئے کہا کہ شیخ زکزاکی عظیم مجاہد ہیں جن کے 6 بیٹے راہ خدا میں شہید کردیئے گئے۔

آیت اللہ مکارم شیرازی نے کہا کہ شیخ زکزاکی کو شدید مظالم کا نشانہ بنایا گیا ہے ان کی جسمانی صورتحال تشویشناک ہے انھیں طبی سہولیات دستیاب نہیں ۔  انھوں نے کہا کہ شیخ ابراہیم زکزاکی عام اسلام کے زندہ شہید ہیں اور نائجیریا کی حکومت کو انھیں مزید ظلم و ستم کا نشانہ بنانے سے گریز کرنا چاہیے اور انھیں فوری طور پر آزاد کرنا چاہیے۔

News Code 1896602

لیبلز

آپ کا تبصرہ

You are replying to: .
  • 3 + 4 =