مہر خبررساں ایجنسی نے ایکس پریس کے حوالے سے نقل کیا ہے کہ کشمیر میں لائن آف کنٹرول کے تتہ پانی سیکٹر میں پاکستانی فوج نے 6 بھارتی فوجیوں کو ہلاک کرنے کا دعوی کیا ہے۔ پاکستانی فوج کا کہنا ہے کہ بھارتی فوج کی فائرنگ سے اس علاقہ میں ایک 7 سالہ بچہ سمیت 3 افراد جاں بحق ہوگئے تھے۔ آئی ایس پی آر کے مطابق بھارتی فورسز نے لائن آف کنٹرو ل کے تتہ پانی سیکٹر کی شہری آبادی پر فائرنگ کی جس کے نتیجےمیں 7 سالہ بچے سمیت 3 افراد شہید ہوگئے۔ آئی ایس پی آر کے مطابق پاک فوج نے مؤثر جوابی کارروائی کرتے ہوئے بھارتی فوجی چوکیوں کو نشانہ بنایا اور جوابی فائرنگ میں بھارتی فوجی افسرسمیت 6 بھارتی فوجی ہلاک اور متعدد زخمی ہوگئے جب کہ 2 بنکرز بھی تباہ ہوئے۔
کشمیر میں لائن آف کنٹرول کے تتہ پانی سیکٹر میں پاکستانی فوج نے 6 بھارتی فوجیوں کو ہلاک کرنے کا دعوی کیا ہے۔
News Code 1893102
آپ کا تبصرہ