روس کا شام کے ساتھ ایس 300 دفاعی میزائل کی قرارداد پر عمل کرنےکااعلان

مہرخبررساں ایجنسی نے المیادین کے حوالے سے نقل کیا ہے کہ  نیٹو میں روس کے نمائندے دیمیتری راگوزین نے کہا ہے کہ روس شام کے ساتھ دفاعی میزائل سسٹم ایس 300 کے معاہدے پر عمل درآمد کرےگا۔ رپورٹ کے مطابق روس نے کہا ہے کہ روس شام کے ساتھ ہونے والے معاہدے پر عمل کرتے ہوئے ایس 300 میزائل شام کو فراہم کرےگا۔ واضح رہ ےکہ یورپی یونین کے وزراء خارجہ نے شام میں مسلح دہشت گردوں کو ہتھیار فراہم کرنے کی اجازت دیدی ہے جس کے بعد روس نے بھی ایس  300 کے معاہدے پر عمل درآمد کرنے کا اعلان کیا ہے اس سے قبل امریکہ کے وزیر خارجہ اور اسرائیل کے وزير اعظم نے روس کو یہ قرارداد منسوخ کرنے کے لئے دباؤ ڈالا تھا۔