پردہ انسانی روح ، فطرت اور اخلاقی اقدار کے مطابق / بھارت میں ہندوازم کی آڑ میں نفرت پھیلانے پر تشویش

اسلام سمیت تمام آسمانی ادیان اور دیگر مکاتب فکر میں پردے کے بارے میں خاص اہتمام دکھائی دیتا ہے۔ پردہ انسانی روح ، فطرت اور اخلاقی اقدار کےعین مطابق ہے۔ مذہبی مقامات پر تمام مذاہب کی خواتین کا با پردہ ہونا اور سر ڈھانپنا اس بات کی دلیل ہے کہ پردہ تمام ادیان کا بنیادی جزو ہے۔

مہر خبررساں ایجنسی کی اردو سروس کے مطابق اسلام سمیت تمام آسمانی ادیان اور دیگر مکاتب فکر میں پردے کے بارے میں خاص اہتمام دکھائی دیتا ہے۔ پردہ انسانی روح ، فطرت اور اخلاقی اقدار کےعین مطابق ہے۔ اسلام سے پہلے بھی پردے کا رواج تھا۔ پردہ اسلام کا حصہ ہی نہیں بلکہ تمام آسمانی ادیان اور مکاتب فکر کا حصہ تھا ، ہے اور رہے گا۔ ہندوستان میں بعض انتہا پسند اور شدت پسند ہندو تنظیمیں ہندو ازم کی آڑ میں اقلیتوں اور خاص طور پر مسلمانوں کو ان کے بنیادی حقوق سے محروم کرنے اور انھیں پریشان و ہراساں کرنے کی سر توڑ کوشش کررہی ہیں۔ ہندوستان میں ہندو انتہا پسندوں کی طرف سے کبھی مسجدوں اور مقدس مقامات کو نشانہ بنا یا جارہا ہے اور کبھی پردے پر پابندی عائد کرکے مسلمانوں کا قافیہ حیات تنگ کیا جارہا ہے۔ پردہ و حجاب تمام ہندو ، مسلمان، سکھ، عیسائی اور دیگر مکاتب فکر کی خواتین کی زینت اور ان کے تحفظ کا ضامن ہے۔ آج بھی مذہبی مقامات پر تمام مذاہب کی خواتین کا با پردہ ہوکر اور سر ڈھانپ کر جانا اس بات کی دلیل ہے کہ پردہ تمام ادیان کا بنیادی جزو ہے۔ ہندو انتہا پسند تنظیموں کے غیر قانونی اور غیر آئينی اقدامات پر ہندوستان کے ذمہ داراداروں کی خاموشی پر دنیا محو حیرت ہے۔ ہندوانتہا پسندوں نے مذہب کی آڑ میں اقلیتوں اور خاص طور پر مسلمانوں کے ساتھ بے رحمی کا برتاؤ،تعصب اور طعنہ زنی کرکے ہندوستان کی گنگا جمنی تہذیب کو پارہ پارہ کردیا ہے ۔ ہندوستان کی نئی نسل میں تعصب، نفرت اور کدورت کا زہر پھیلایا جارہا ہے۔ حکومت کی جانب سے نفرت کی اس آندھی کی روک تھام کے لئے کوئی ٹھوس اقدام نظر نہیں آرہا ، بلکہ اہم بات یہ ہے حکومت کے اتحادی جماعتیں اورمنتخب کارندے، وزراء اور گورنمنٹ کے نمائندے بھی مسلمانوں کے خلاف زہر اگلنے میں پیش پیش نظر آرہے ہیں ، جبکہ ہندوستان میں دیانتدار، ایماندار اور ہندوستان کو ایک گلدستہ کی طرح دیکھنے والا غیر مسلم طبقہ نفرت پر مبنی نظریات  کی بھر پور مخالفت کررہا ہے۔ اور بلا لحاظ مذہب و ملت و ذات، علاقہ و زبان سب کی خدمت میں مشغول  ہے۔

کوئی بھی مذہب عداوت ، دشمنی ،  برائی ، تشدد، اذيت و آزار پہنچانے ، کرپشن، قتل و غارت، چوری ، ڈکیتی ، گناہ ، دوسرے مذاہب کی توہین کی اجازت نہیں دیتا۔ بلا شبہ ہندو مذہب بھی مذکورہ امور کے خلاف ہے ۔ ہندو مذہب میں بھی محبت ، ہمدردی ، انسان دوستی ، رواداری ، بھائی چارے ، اتحاد و یکجہتی اور دیگر مذاہب کے احترام کا درس موجود ہے۔ اسلام سمیت دیگر آسمانی ادیان بھی محبت، پیار ، دوستی ، رواداری ،  امن و صلح  اور اتحاد و یکجہتی کا درس دیتے ہیں۔ مرحوم علامہ ڈاکٹر اقبال نے بھی اس طرف خوب اشارہ کیا ہے کہ :

مذہب نہیں سیکھاتا آپس میں بیر رکھنا ، ہندی ہیں ہم وطن ہیں ہندوستاں ہمارا ۔

 تو پھر کیا وجہ ہے کہ بھارت میں ہندو ازم کی آڑ میں آج بھارت کے اتحاد و یکجہتی  اور کنگا جمنا تہذیب کو کچھ انتہا پسند ہندو تنظیمیں نقصان پہنچارہی ہیں۔  آج بھارت میں مسلمانوں کے خلاف وہی طاقتیں سرگرم عمل ہیں جو مہاتما گاندھی کے بھی خلاف تھیں اور ہیں، مہاتما گاندھی کے فوٹو پر گولیاں برسا کر بعض انتہا پسند ہندوؤں نے عملی طور پر اپنے آپ کو غیر ملکی ایجنٹ ثابت کیا ہے۔ مسلمانوں کے خلاف زہر اگلنے والے انتہا پسند ہندو نتھو رام گوڈسے کے طرفدار، مرید اور حامی ہیں ، آج بھارت پر گوڈسے کی ثقافت کو لاگو کرنے کے لئے ہندو انتہا پسند تنظیموں کو اسرائیل ، امریکہ اور برطانیہ کی مدد بھی حاصل ہے۔ بھارت میں ہندو شدت پسندی کافی حد تک بڑھ گئي ہے ۔ ان انتہا پسندوں کو ہندو مذہب سے کوئي لگاؤ نہیں بلکہ یہ ہندو مذہب کی آڑ میں مہاتما گاندھی کے نظریات کو ختم کرکے گوڈسے کے نظریات کو ہندوستان میں لاگو کرنا چاہتے ہیں، ایسے شرائط میں بھارت کے تمام شہریوں اور مہاتما گاندھی کے تمام حامی  ہندوؤں، مسلمانوں ، سکھوں اور عیسائيوں کو متحد ہوکر غیر ملکی ایجنڈوں پر کام کرنے والے انتہا پسند ہندوؤں کا مقابلہ کرنا چاہیے اور ایک بار پھر بھارت کو امن و آشتی کا گہوارہ بنانے میں اپنا اہم کردار ادا کرنا چاہیے۔ ہندوستان دنیا بھر میں مذہبی رواداری اور ہم آہنگي کے لحاظ سے ایک مثالی ملک تھا اور اسے مثالی رہنا چاہیے۔ بھارت کو مضبوط اور مستحکم رکھنے کے لئے ہندو ، مسلم ، سکھ ، عیسائي اتحاد بہت ضروری ہے۔ بھارت کی حکمراں جماعت بھارتیہ جنتا پارٹی " بی جے پی  " کو اقلیتوں اوربھارتی مسلمانوں کے خلاف غیرمنصفانہ رویہ ترک کرنا چاہیے۔ اقلیتوں اور  مسلمانوں کے تمام مذہبی اور مقدس مقامات کی حفاظت اور ان کے بنیادی اور آئينی حقوق کے تحفظ کو یقینی بنانا چاہیے۔ بھارتی حکومت کو تمام بھارتی شہریوں کو یکساں اور ایک نظر سے دیکھنا چاہیے۔ دنیا میں بہت سےسرکش حکمراں آئے اور چلے گئے ، حکمرانوں اور سیاسی جماعتوں کا عروج و زوال اور آنا جانا ایک قدرتی امر ہے۔ اچھائی اور نیکی کا نام ہمیشہ باقی اور زندہ رہےگا۔ بھارتی جنتا پارٹی کو بعض مغل حکمرانوں کے نقش قدم پر نہیں چلنا چاہیے کیونکہ ایسی صورت میں بھارتی جنتا پارٹی کے اقدامات کا سرانجام بھی بعض مغل بادشاہوں کے اقدام جیسا ہی ہوگا۔

ہندوستان میں مذہبی رواداری کو برقرار رکھنے کے لئے ہندوستان کے تمام مکاتب فکر کے مذہبی رہنماؤں ، دانشوروں ، سیاسی رہنماؤں، سماجی اور ثقافتی شخصیات کو اپنا کردار ادا کرنا چاہیے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

تحریر : سید ذاکر حسین جعفری

News Code 1909923

لیبلز

آپ کا تبصرہ

You are replying to: .
  • captcha

    تبصرے

    • zafar Iqbal IN 16:50 - 2022/02/20
      0 0
      عمدہ اور برحق تحریر ہے۔ جزاک اللہ۔ اللہ ہماری مدد کے لئے کسی ایسے گروپ کوبھیج دے جو آر ایس ایس اور اس کے ذیلی تنظیموں کا سرکچل کر رکھ دے۔