صدر ٹرمپ اور صدر اشرف غنی کی ملاقات

مہر خبررساں ایجنسی نے بی بی سی کے حوالے سے نقل کیا ہے کہ افغانستان کے صدر اشرف غنی نے ڈاووس میں اقتصادی اجلاس کے ضمن ميں امریکی صدر ٹرمپ کے ساتھ ملاقات اور گفتگو کی۔ اطلاعات کے مطابق افغان حکومت کے ترجمان صدیق صدیقی نے ٹوئیٹر میں اپنے ایک پیغام میں کہا ہے کہ افغان صدر اشرف غنی اور امریکی صدر ڈونلڈ ٹرمپ نے اس ملاقات میں دو طرفہ تعلقات ، افغانستان میں قیام امن، طالبان کے ساتھ مذاکرات  اور علاقائی صورتحال کے بارے میں تبادلہ خیال کیا۔