ترکی میں فوجی ہیلی کاپٹر کے حادثے میں 7 پولیس اہلکاروں سمیت 12 افراد ہلاک

مہر خبررساں ایجنسی نے ترک ذرائع کے حوالے سے نقل کیا ہے کہ ترکی میں فوجی ہیلی کاپٹر پہاڑپرگرکر تباہ ہوگیا جس کے نتیجے میں 7 پولیس اہلکاروں سمیت 12 افراد ہلاک ہوگئے ہیں۔ یہ واقعہ ترکی کے صوبے تونگلی میں پیش آیا۔ اطلاعات کے مطابق ایوی ایشن حکام نے واقعہ کی تصدیق کرتے ہوئے بتایا ہے کہ ہیلی کاپٹر ترک فوج کا ہے جس کے اڑان بھرنے کے 10 منٹ بعد ہی اس کا کنٹرول ٹاورسے رابطہ منقطع ہوگیا تھا تاہم فوری طور پر حادثے کی وجوہات سامنے نہیں آئیں۔ گورنر تونگلی نے بھی حادثے پر دکھ کا اظہار کرتے ہوئے کہا ہے کہ ہیلی کاپٹر میں 7 پولیس اہلکار، ایک  جج، فوج کا ایک اعلیٰ افسر اور عملے کے 3 ارکان بھی سوار تھے جن ہلاکت کی تصدیق ہوچکی ہے۔