سعودی عرب 850 بھارتی قیدیوں کو رہا کرے گا

مہر خبررساں ایجنسی نے بھارتی ذرائع کے حوالے سے نقل کیا ہے کہ نریندر مودی کی درخواست پر سعودی ولی عہد نے 850 بھارتی قیدیوں کو رہا کرنے کا حکم دے دیا۔ بھارتی وزارت خارجہ کے ترجمان راویش کمار نے ٹوئٹر پر ٹویٹ کیا ہے کہ وزیراعظم نریند ر مودی کی درخواست پر سعودی ولی عہد نے 850 بھارتی قیدیو ں کو رہا کرنے کا حکم دے دیا۔ قیدیوں کی رہائی کے حکم کے ساتھ نریندر مودی کی درخواست پر محمد بن سلمان نے بھارتی حج زائرین کا کوٹہ بڑھا کر اس کی تعداد 2لاکھ کر دی ہے۔ واضح رہے کہ پاکستان کے دورے کے دوران سعودی ولی عہد نے 2ہزار 107 پاکستانی قیدیوں کو رہا کرنے کا حکم دیا تھا۔