کشمیری رہنما سید علی  گیلانی کا 92 سال کی عمر میں انتقال

ہندوستان کے زیر انتظام کشمیر میں تحریک آزادی کشمیر کے اہم رہنما سید علی گیلانی 92 سال کی عمر میں وفات پا گئے۔

مہر خبررساں ایجنسی نے کشمیر میڈیا سروس کے حوالے سے نقل کیا ہے کہ ہندوستان کے زیر انتظام کشمیر میں  تحریک آزادی کشمیر کے اہم  رہنما سید علی  گیلانی 92 سال کی عمر میں وفات پا گئے۔

اطلاعات کے مطابق حریت کانفرنس کے سابق ترجمان شیخ عبدالمتین نے سید علی گیلانی کے انتقال کی تصدیق کرتے ہوئے کہا ہے کہ تحریک آزادی کشمیر کے بانی راہنُما اب ہم میں نہیں رہے۔ وہ کل رات اپنے گھر میں رحلت پاگئے ہیں۔

بھارتی فوج نے سید علی گیلانی کو گزشتہ 12 برس سے سرینگر میں گھر میں مسلسل نظر بند کر رکھا تھا جس کی وجہ سے ان کی صحت انتہائی گر چکی تھی۔

29 ستمبر 1929 کو پیدا ہونے والے سید علی گیلانی تحریک حریت جموں کشمیر اور آل پارٹیز حریت کانفرنس کے چیئر مین بھی رہے۔ وہ 3 مرتبہ جموں اور کشمیر کے حلقے سے کشمیر اسمبلی کے رکن بھی منتخب ہوئے۔

News Code 1908011

لیبلز

آپ کا تبصرہ

You are replying to: .
  • 1 + 6 =