ترک حکومت نے مزید 227ججوں اور پراسیکیوٹرز کو معطل کردیا

مہر خبررساں ایجنسی نے آناتولی کے حوالے سے نقل کیا ہے کہ ترک حکومت کا مخالفین کے خلاف کریک ڈاؤن جاری ہے تر حکومت نے ترکی میں ناکام بغاوت کے سلسلے میں مزید 227ججوں اور پراسیکیوٹرز کو معطل کردیا ہے۔ اطلاعات کے مطابق 15جولائی کی ناکام فوجی بغاوت کی تحقیقات میں اب تک عدلیہ کے 4ہزار ارکان کو معطل کیا جا چکا ہے جبکہ مجموعی طور پر پولیس، فوج، عدلیہ، سول سروسز اور دیگر اداروں سے ایک لاکھ سے زائد افراد کو معطل، برخاست یا گرفتار کیا جاچکا ہے۔ ترکی نے ترک مذہبی رہنما فتح اللہ گولن کی تحریک کو 15جولائی کی ناکام بغاوت کا ماسٹر مائنڈ  قرار دیا ہے۔