مہر خبررساں ایجنسی کی رپورٹ کے مطابق، ایرانی نیوی کے کمانڈر شہرام ایرانی نے کہا ہے کہ علاقائی استحکام کیلئے خلیج فارس کے ممالک کے ساتھ مل کر بحری اتحاد بنانے کا منصوبہ ہے۔
نیوی کمانڈر شہرام ایرانی نے اپنے ایک بیان میں کہا ہے کہ ایران کا خلیج فارس کے ممالک کے ساتھ مل کر نیول الائنس بنانے کا منصوبہ ہے۔
انہوں نے کہا کہ نیول الائنس میں سعودی عرب، متحدہ عرب امارات، بحرین، قطر، عراق، پاکستان اور ہندوستان شامل ہوں گے۔
ایرانی نیوی کمانڈر نے کہا کہ خطے کے ممالک اس نتیجے پر پہنچے ہیں کہ باہمی تعاون میں ہی امن و سلامتی ہے۔
واضح رہے کہ ایران نے اس سے پہلے چین اور روس کے ساتھ مل کر بحری مشقیں کی ہیں اور اب اس اتحاد کو وسعت دینے کا خواہاں ہے۔