یمن میں ہیضے کی وبا پھوٹنے سے 115 افراد ہلاک

مہر خبررساں ایجنسی کی رپورٹ کے مطابق یمن کے دارالحکومت صنعا میں عالمی ریڈ کراس کمیٹی کے ڈائریکٹر ڈومینک اسٹل ہارٹ نے پریس کانفرنس سے خطاب کرتے ہوئے کہا کہ ہمیں ہیضے کی سنگین وبا کا سامنا ہے۔ یمن پر سعودی عرب کے بھیانک اور مجرمانہ جرائم کی وجہ سے ہیضے کی وبا پھیل گئی ہے جس کے نتیجے میں 115 افراد جاں بحق ہوگئے ہیں جبکہ ساڑھے آٹھ ہزار سے زائد ہسپتال میں زیر علاج ہیں جہاں انتظامیہ کو مریضوں کی بڑھتی ہوئی تعداد سے نمٹنے میں شدید مشکلات کا سامنا ہے۔ اعدادوشمار کے مطابق یمن کے 14 صوبوں میں ساڑھے آٹھ ہزار سے زائد افراد اس مرض میں مبتلا ہیں جہاں صرف گزشتہ ہفتے کے دوران 10 صوبوں میں تقریباً ڈھائی ہزار افراد اس مرض میں مبتلا ہوئے۔ یہ گزشتہ ایک سال کے دوران دوسرا موقع ہے کہ عرب کے غریب ترین ملک یمن میں ہیضے کی وبا پھوٹی ہے اور جہاں کے غریب عوام پر سعودی عرب کے بھیانک اور وحشیانہ جرائم کا سلسلہ جاری ہے سعودی عرب نے مجرمانہ بمباری میں یمن کے تمام اسپتالوں اور بنیادی ڈھانچوں کو تباہ کردیا ہے، سعودی عرب کی یمن پر مسلط کردہ جنگ میں اب تک 30 ہزار سے زائد افراد جاں بحق اور زخمی ہوگئے ہیں جن میں بچوں اور عوترون کی بڑی تعداد شامل ہے۔