پاکستان کے علاقے خیبر ایجنسی میں تین شدت پسند گرپوں کے درمیان جھڑپ میں 8شدت پسند ہلاک

مہر خبررساں ایجنسی نے پاکستانی ذرائع کے حوالے سے نقل کیا ہے کہ پاکستان کے علاقے خیبر ایجنسی کی وادی تیرا میں تین شدت پسند گرپوں کے درمیان جھڑپ میں 8 شدت پسند ہلاک اور متعدد زخمی ہوگئے ہیں۔ اطلاعات کے مطابق دور افتادہ علاقے وادی تیرا میں تین شدت پسند گروپ کالعدم لشکر اسلام ،کالعدم انصار السلام اور زخا خیل گرپوں میں رات بھر سے جاری جھڑپ میں اب تک 8 شدت پسند ہلاک اور متعدد زخمی ہوگئے ہیں۔ جھڑپ میں تینوں گرپوں نے ایک دوسرے کے خلاف بھاری ہتھیاروں کا آزادانہ استعمال کیا۔ زخمیوں کو مقامی اسپتالوں میں منتقل کردیاگیا ہے۔