ہندوستان کی متعدد ریاستوں میں سیلاب سے ہلاکتوں کی تعداد 300 تک پہنچ گئی

مہر خبررساں ایجنسی نے ہندوستانی ذرائع کے حوالے سے نقل کیا ہے کہ ہندوستان کی متعدد ریاستوں میں سیلاب نے بڑے پیمانے پر تباہی مچائی ہے جس کے نتیجے میں ہلاکتوں کی تعداد تین سو تک پہنچ گئی ہے۔اطلاعات کے مطابق شدید بارشوں کے باعث ہندوستان کی کئی ریاستوں میں سیلاب کی تباہ کاریاں جاری ہیں، اب تک تین سو افراد کے ہلاکتوں کی تصدیق کردی گئی ہے جبکہ لاکھو ں افرا د سیلاب سے متاثر اور ہزاروں بے گھر ہوچکے ہیں۔ ذرائع کے مطابق بہار ، اترپریش، مدھیہ پردیش، راجستھان اور اترکھنڈ میں سب سے زیادہ تباہی  ہوئی ہے جہاں دو لاکھ سے زائد افراد نقل مکانی کرنے پر مجبور ہوگئے ہیں۔ ہر طرف پانی ہی پانی ہے جبکہ زندگی بھی مفلوج ہوکر رہ گئی ہے۔بڑے پیمانے پر کھڑی فصلیں بھی تباہ ہوگئی ہیں جبکہ وبائی امراض پھوٹنے کا خدشہ بھی ہے۔